當年今日

產後復工為囝囝儲人奶
千嬅:慘過儲錢

蘋果日報 2012/10/25 00:00


6月榮升靚媽的楊千嬅積極收身密謀復工,昨日她以代言人身份在中環出席醫學美容中心活動,穿上透視黑色連身褲兼8吋高跟鞋現身,雖然纖腰已經歸位,不過難掩面腫腫及豪華臀,看來收身計劃仍需努力。為了全面復工,千嬅為囝囝儲定個多月的人奶做存貨,她說:「儲奶仲慘過儲錢!」
升呢做媽媽的楊千嬅,昨日到中環出席美容中心活動,作為產後復出第一擊。久休復工的千嬅心情大靚,台上台下猶如開籠雀,她在台上分享人生亮點,千嬅說:「第一係我由護士轉做歌手,第二係我有家庭生咗個仔,我覺得生咗個仔先係我嘅開始,好想第時個仔啲同學讚佢媽咪好靚,個仔係我將來嘅動力,當然丁生都係,家啲人仲覺得我哋係平輩,如果遲啲去外國,人哋覺得我似佢個妹就係終身成就啦!」
empty
【今日我至高】
千嬅復出頭炮就踩住8吋高踭鞋蒲頭,丁子高都唔夠你高啦!
生完唔想見人
曾自爆陀仔時體重狂升57磅的她,積極收身下已經減磅不少,不過圓面及巨躉仍然留守,千嬅謂:「我仲有十磅要減,就可以去番演唱會嘅狀態。我家儲咗個幾月奶,我話你知儲奶仲慘過儲錢!為咗BB好,我唔可以減肥,其實生完之後,我都唔想出街,因為我好勝唔想俾人見到我肥。」
empty
楊千嬅着上8吋高跟鞋,上落要由三個人扶實,很有台型。
經常攬實兒子
問千嬅上圍有否升Cup?她表示:「我不嬲都係星級,咁梗係有啦,呢啲係個仔畀我嘅紀念品,不過我開始減肥又會縮番。」穿上3.1 Phillip Lim透視裝的她中門微開,千嬅直言只是貼乳貼,胸前招牌癦若隱若現。
千嬅透露11月中將每個星期到北京三至四日:「呢個係中央電視台節目,本來推咗,不過公司話好有意義;我都驚唔捨得個仔,我成日都要攬住佢。」千嬅坦言之前聽到陳慧琳掛住囝囝掛到喊覺得誇張,但現在身為人母完全明白:「我有次見到佢轉身,只係一下,已經好感動,到佢叫阿媽嗰陣,我實喊。」
至於前老闆黎明與樂基兒分手,千嬅直言:「我望住隻仔,邊有心機理其他人,佢大便小便我都好緊張,始終人哋家事,要尊重私隱,我唔批評。」
採訪:盧妹 攝影:葉君海