至於「小小超」李澤楷，感情史可謂三父子中最豐富嘅一個，先講佢首任女友，就係佢喺美國嘅大學同學Margaret Chew，不過，拍拖一年左右就分手。其後到日本NHK前首席新聞主播真正加留奈，兩人於92年一次採訪中認識，其後相戀，女方更一度為咗同李澤楷一齊，不惜放棄喺日本嘅事業，可惜最後都係分手收場。

其後與「小小超」之名扯上關係嘅，仲有「盈科之花」林慧儀、羅愛欣、大律師梁芳等，部份「楷女郎」都係高學歷份子，正所謂美貌與智慧並重，否則都襯唔起李澤楷。

但到2007年，李澤楷喺楊紫瓊介紹認識咗加入娛樂圈數年嘅梁洛施（Isabella），翌年戀情曝光，同年（2008年）Isabella透過律師，向經理人公司英皇要求解約，其後和解。之後Isabella喺娛樂圈消失一排，到09年4月宣佈為李澤楷於加拿大誕下一子李長治。專心湊仔嘅Isabella其後再喺10年6月再為李澤楷誕下孖仔。

而最新任成為「楷女郎」嘅，就有港姐級人馬郭嘉文，佢哋喺前年被揭蜜遊日本，之後多次被發現行孖咇，包括被《蘋果》拍到李澤楷做柴可夫，揸波子載郭嘉文度周日（新聞連結： http://bit.ly/2pe3m5V ）。

精選娛聞，喺晒《娛果》
http://fb.com/appledailyent