香港(藍衫)因為黎巴嫩被國際籃協禁賽,所以就算喺菲律賓舉行嘅亞洲籃球錦標賽首輪分組賽,兩戰皆北都入到複賽。周一,佢哋對住中華台北,雖然第一節同對手打成平手,但係之後中華台北派出陳世杰,加快比賽速度,仲拉開雙方之間嘅比分差距。雖然方誠義為港隊攻入13分,但係中華台北有成5個人得分達雙位,最後港隊以55:94輸咗,而中華台北就4戰4勝,提早出線。
至於中國男籃同日雖然有核心易建聯繼續因傷缺陣但對住實力有一定差距嘅哈薩克,下半場因為進攻死火而陷入苦戰,好彩最後周鵬同王治郅連番得分,最後以73:67險勝對手,保住入8強嘅希望。