港股升穿250天線後繼續向上，加上內地公布上半年GDP後，市場憧憬中央有機會放水刺激經濟。興證國際證券副總裁盧駿匡指，恒生指數已經突破4月及6月的阻力，形態上已經是雙底，前日亦已升穿雙底頸線，形態上一直造好，昨日收市價亦高於250天線，基本上整個走勢轉強。股價高於250天線的比率越來越高，已經有百分之四十幾，反映已經是牛市走勢。短期內仍有力向上挑戰高位，惟於21900點會有阻力。

「例如恒生指數PE（市盈率）企喺10倍樓上，由三月到宜家都已經4至5個月，睇返以往都係牛市初期現象。加上恒指已升上250天線，以往熊市完咗、第一次觸及250天線，就係確認一個熊市底出現咗，所以未來唔會差，走勢會反覆向上，今年可以睇遠少少，上返去年10月高位23400點左右。」

盧駿匡又指，英國脫歐、歐洲銀行債務危機等壞消息已消化，美國上周經濟數據理想，市場再憧憬美聯儲局將會加息，本周港股無論好壞消息都繼續升，所以短期阻力位21900點好快會有突破，未來一至兩個月更有機會確認牛市二期，重上23000點以上，除非有突發因素或黑天鵝出現，良好氣氛將會繼續一段時間，可以放心炒。

股份方面，內房股本周初已開始上升，市場仍在觀察會否有政策出台，但內地GDP數據不算理想，市場會炒放水相關板塊，盧駿匡認為可留意基建股及水泥股，有機會受惠刺激經濟措施。

掌握財經生活資訊，即Like「蘋果ATM」fb專頁啦！
http://fb.com/appledailyatm