啲酒點嚟?話說蔡太有日同個商家老友一齊食飯,對方知道佢鍾意飲茅台,於是爆畀佢聽香港有班茅台忠實擁躉,為咗要飲到真正嘅茅台,就成立咗一個飲茅台私人Club,呢個Club會直接向茅台總廠訂酒,講咗咁耐,蔡太最後梗係俾人踢埋入會啦!佢仲即刻落柯打訂左6支,不過由於同道中人真係太多,所以最後佢只獲配給3支,每支盛惠6千幾銀,抵飲!
咁,有美酒又點可以冇佳餚。蔡太嗰朝一早起身,撲咗去西營盤賣潮州滷水食品出晒名嘅潮州舖生記,買咗啲鵝肝畀華華試,咁呢啲又幾銀呢?蔡太話有錢都買唔到o架,事關個老闆只會將啲靚嘢賣畀「架己冷」。唔知華華踩落去嗌聲「阿值」(即係潮州話阿叔、uncle之類),會唔會買到呢?
李華華
mailto:
[email protected]