日本電影《死亡筆記：照亮新世紀》男主角東出昌大，不但憑住NHK晨早劇《謝謝款待》走紅，更與女主角渡邊杏戲假情真，發展姐弟戀後於去年元旦註冊結婚，今年更月更誕下孖女，雖然兩個B女早產時唔足磅，更一度要放入醫院氧氣箱內照顧，不過多得二人悉心照顧，孖女似乎已十分健康。

阿杏產後唔止一次被傳媒拍得同老公恩愛放狗，咪以為佢哋放狗多過湊女，噚日就被拍得抱埋7個月B女現身東京嘅中山馬場，趁住聖誕假睇有馬記念G1賽，今次兩公婆齊齊戴上粗框眼鏡現身包箱，由於杏穿着鮮紅色冷衫，所以被場內唔少馬迷發現，二人睇得不知幾投入，東出就全程負責抱B，果然係圈中模範夫妻。