當年今日
關於我們

【立會宣誓】葉劉唔排除再出招 田少寸酸葡萄變MC興咁燥

蘋果日報 2018/03/22 10:48

立會宣誓區諾軒葉劉基本法

【新增短片及內容】
新民黨陳家珮在港島區敗予區諾軒,區諾軒昨在立法會讀誓詞前,新民黨議員葉劉淑儀和容海恩突然站起身高喊「燒基本法可恥」,並離開會議廳抗議。葉劉今早在電台節目指,抗議的想法數日前已有,是與容海恩商討後決定行動,她又指新民黨沒有錢進行司法覆核,但留意到有市民去做,已進入司法程序不評論。
葉劉表示,她稱因陳家佩有參選,故睇得清楚一點,不滿區一度不認曾燒基本法道具,「第二個區我當然唔會咁得閒逐個鏡頭睇,今次感受好深」。她認為「唔可以話道具就唔算,玩具槍打劫都係打劫」。至於之後是否會再有類似形式的抗議行動,她明言「好難講」,不排除再就其他問題抗議。
葉劉再被問及對特首林鄭月娥在民主黨黨慶捐3萬元一事時,強調自己並非「葡萄」,「咩都話葡萄,咁都會詫異架嘛,只可以講詫異,同埋諗自己有無份,好正常架嘛」她稱不知今次捐款是即興還是「夾過」。至於中聯辦捐贈墨寶為民建聯籌得逾千萬元的做法,葉劉即表示,中聯辦不方便批評,「佢哋唔受香港法例限制,其實影響咗有啲人對民建聯的觀感,所以我哋(新民黨)唔會咁做」。葉劉表示,正打算在今年進行大規模籌款活動,被問到會否接收特首捐款,她說:「咁可能都要畀個機會佢。」
不時在facebook出post抽水、曾不止一次寸葉劉的自由黨榮譽主席田北俊深夜又出手,轉載葉劉離場抗議的新聞連結,「我建議葉劉黨合併入工聯會。酸葡萄扮中產選唔到,嬲到現形變MC興咁燥底。哈哈哈!」他更落hashtag「葉劉可以辭職抗議然後俾啲候(後)生嘅去選補選」、「咁埋唔使嬲嬲豬囉」。

《蘋果》沙士15周年系列網站,正式登場:
https://hk.feature.appledaily.com/sars15/
empty