自從林建岳做了旅遊發展局主席後,對娛樂事業無心戀戰,電影部高層和宣傳部人事變動頻繁,令公司士氣大跌,旗下紅星人心惶惶,許志安約滿沒續約外,電影製作越來越少,據悉鄭秀文、吳彥祖、舒淇與楊千嬅也準備約滿後不再續約。太陽娛樂今年要大搞,當然會對這幾位紅星感到興趣,以Paco與千嬅、鄭秀文的交情,再加重金禮聘,相信很容易會水到渠成。
昨日記者向Paco求證,他表示:「公司最近係簽咗彭浩翔、曾國祥、鄧麗欣,許志安就快簽約,林峯同吳奇隆就傾緊,至於古仔同我哋公司關係好好,將來係會有好多合作機會,至於吳彥祖我當然希望爭取到合作啦!嚟緊仲會陸續簽,但要成熟咗先可以講。太陽娛樂對其他公司不存敵意,希望同每間公司都可以成為合作夥伴,保持友好。」
太陽娛樂最近投資了《3D豪情》、《金雞sss》和林家棟監製的《死開啲啦》外,4月會開拍重點製作《殺破狼2》,該片由葉偉信監製、鄭保瑞執導,Tony Jaa、吳京和洪金寶聯合演出。Paco表示:「今年公司會有好多唔同類型嘅電影製作,有港產同合拍片,我哋門戶好開放,歡迎同任何導演合作拍戲。」
採訪:鍾國仁