當年今日
關於我們

鏡頭後精靈 鏡頭前大喊
GiGi俾反斗B女玩到皺

蘋果日報 2002/08/09 00:00


梁詠琪雖然很喜歡小孩子,但最近她與古天樂演出《絕世好B》一場泳池游水戲時,由於BB女不聽話,每次正式拍時就嚎哭,導致頻頻NG,更要由朝拍到晚,最終她與BB女在水中浸到皺皮。
梁詠琪(GiGi)與古天樂(古仔)主演的《絕世好B》今天開畫,此片以BB做主題,其中一場戲是GiGi穿上泳衣,在泳池教一個BB女游泳。怎料此BB女十分難搞,每次正式拍時,她就會放聲大哭、不肯合作;鏡頭後卻七情上面,十分精靈。

古仔最幸福
原本電影公司預計一個小時可拍竣的鏡頭,卻花了六、七個小時,GiGi在電話中表示:「最初監製叫我着背心,但我話喺泳池應該着泳衣比較合理,所以監製就照我要求。拍呢場戲都幾辛苦,因為個BB女幾頑皮,每次正式拍都大喊,咁導演猛叫NG,我都唔記得重拍咗幾多次,搞到我一直浸喺水度,啲皮都浸到皺晒,古仔就幸福過我,因為佢只係坐喺泳池邊講對白,完全唔使落水。」

擔心會出事
跟BB拍戲,梁詠琪一早有心理準備不會太容易拍,但絕對想不到一個BB女已令她不知所措,GiGi說:「喺泳池拍嗰陣,個BB要同我一齊游水,拍之前個BB女已經學識咗游水,不過我都好擔心會浸親個BB,所以我同佢媽咪都睇得好實,唔想有意外發生。」