睇過電影或電視劇嘅人都知，如果俾警察拘捕，疑犯需要舉住塊用粉筆寫上個人資料嘅黑板，然後影相存檔，好監躉feel。八方聽警隊二五講，警方打算將拘捕程序系統電腦化，佢話呢個系統其中一個轉變係用打印機將被捕者嘅個人資料印出嚟，唔使好似𠵱家咁舉住塊黑板。
二五又話，屆時連影相都數碼化，就好似影智能身份證咁，只要警方喺電腦螢幕睇啱張相，㩒個掣就搞掂，唔使再沖印。不過，二五話，仍然要打指模；如果連打指模都數碼化，就可以直接儲存喺警隊指紋紀錄庫內，咁就perfect喇！