鄭秀文（Sammi）今晚喺紅館舉行第二晚演唱會，佢唱名曲《捨不得你》後，問觀眾：「o依家幾點？」然後再話：「好，咁我再唱多首歌《不要驚動愛情》。」唱完之後，Sammi同觀眾講：「多謝，拜拜」

之後佢現身encore，演唱《默契》，唱到中段，Sammi問班觀眾：「今晚開唔開心呀？你哋開心我就開心，多謝你哋！」唱到尾聲時，Sammi再開口話：「雖然把聲沙，但我有6個字想講，『有幾多畀幾多』，個騷好唔好睇呀？」跟住佢就將自己身上嗰條毛巾拋落台畀啲觀眾，然後喺晚上10點50分完騷。