【本報訊】「劏咗佢哋！一鑊熟！」天水圍倫常慘劇中重傷的男戶主，事前曾多次向街坊揚言「要做一單轟動全港嘅兇案，做一單滅門慘案畀你哋睇」。慘劇發生後，街坊議論紛紛並指摘該名中等身材、脾氣暴躁的男戶主李X森，連自己的親生女兒都下毒手，簡直是人渣、禽獸不如。　記者：陳天華、李志強

據天恒邨街坊表示，今年一月持單程證來港定居的女戶主到港後，男戶主就經常虐打對方，街坊經常聽到女戶主在單位裏的悽慘哭叫聲及求饒聲；從今年二月十九日，女戶主受不了虐打而向區議員求助，幾日後社工安排女戶主入住庇護中心後，男戶主常向相熟街坊揚言；「我劏咗佢哋都得，我要佢哋一鑊熟」。街坊雖都知道男戶主好色及脾氣暴躁，但見他每日都用單車接送一對女兒返學，對兩名女兒愛惜有加，街坊聽後都不以為意。

「養到佢哋肥晒跟住劏」
近日男戶主更向街坊表示：「我點都要𠱁個老婆返來，無錢都要買魚蝦蟹畀佢哋食，養到佢哋肥晒，跟住劏咗佢哋」男戶主見街坊都以為他講笑，他竟對街坊揚言：「你哋睇住嚟呀，我要做一單轟動全港的兇案，做一單滅門慘案畀你哋睇」男戶主又聲稱：「我唔想死，如果我死，佢哋一個都走唔甩」。
一名街坊說：「當時大家以為佢老婆走咗，受刺激先會亂講，佢講嘢時語氣好平靜，以為佢講笑，但大家街坊街里就勸佢唔好衝動」對方不受勸反而以安慰的口脗向街坊表示：「就算係滅門慘案都唔關你哋事嘅」。
據一名居住在天恒邨恒運樓的黃姓街坊表示，很多街坊都知道男戶主好酒又好色，脾氣又暴躁；黃先生稱：「佢望人時對眼好陰森，好得人驚，由於佢打老婆出晒名，街坊甚少同佢傾偈」黃先生補充稱：「但因大家鄰居關係，有時咪聽吓佢講嘢囉，佢成日剩係話要劏一家大細，聽得多以為佢靠嚇，點知佢真係做呀。」