美國樂壇天后Katy Perry正展開世界巡迴，完成日本站演出後，昨晚假亞博館舉行「Witness: The Tour 2018 Hong Kong」，是她在港首個演唱會。大班粉絲早已到場排隊選購紀念品，當中更不乏粉絲悉心打扮到場，戴上假髮又將生果放在頸上，以偶像的造型到場。
Katy Perry於晚上8點半正式開場，一開始Katy先戴上黑超，以一個黃金聖鬥士打扮出場，演繹新歌《Witness》打頭陣，並高呼：「香港，你準備好未？」又問現場樂迷：「大家是否準備好過一個難忘的星期五晚？是否等了很久？我也是！」之後一連演繹包括《Dark Horse》等多首快歌，其身後舞蹈員更頭戴一個有大眼睛的電視伴舞，可謂極盡視聽之娛。

祖兒遲到

另外，一眾本地明星亦現身，廖碧兒就指自己第一次看Katy，更帶了家姐捧場。莫可欣就陪女兒睇騷，又指女兒是Katy忠實粉絲，關心妍亦與老公恩愛到場。森美就帶子女到場，他指兒子復活節放假返港一星期，之前自己一直工作未有時間陪伴，所以今日就是家庭日齊齊睇騷：「我哋下晝睇我配音嘅《比得兔》，夜晚就嚟睇騷。」香港天后容祖兒就在開場後才急急腳到場，並與在場記者打招呼。
採訪：劉書寧
攝影：陳俊強