港交所(388)今早升逾3%迫近220蚊，收到幾位網民查詢，在此一併回應。

連同今日升多3%，388今年剛升了20%，恒指同期已升了21%。因此，388基本上未癲過，以勢論勢，近兩周表現的確跑贏大市，亦有條件贏落去。

2015年3月底，388於8個交易日，由$178蚊升到297蚊，累積升幅逾百元或67%，然後亦隨大市快上快落，跌返落180蚊樓下。過去兩年，港交所於160至220元範圍上落，形成長方形走勢，今日初呈突破之勢。

而由2015年5月16日最高311.4元，回落至2016年1月22日的160.1元，黃金反彈0.382倍，就是218元，今日突破，下一個目標就是反彈0.5倍及0.618倍，分別是235元及254元。

相比2015年快上快落，今年升市屬慢牛格，正如上周五一篇「如信牛市 信埋港交所」，港交所升到$220追平恒指，只是第一站。有貨在手，耐心等候，不宜估頂，亦估唔到。

股榮
www.facebook.com/stockwing1