楊千嬅、張敬軒、關心妍、謝安琪與關楚耀（Kelvin）等昨日於荃灣廣場為《新城勁爆頒獎禮2007》拉票，截止昨日網上投票結果，「全球勁爆歌手」以劉德華、陳奕迅與楊千嬅暫領先，而「勁爆我最欣賞男歌手」則以古巨基、張敬軒及側田領先。活動上率先獻唱的軒仔可能太賣力關係，竟然將現場音響唱爆，要工作人員維修。

叫林苑脫光

獲陳慧琳（Kelly）睇好有機奪無綫「亞太區最受歡迎香港女歌星」獎，千嬅感激對方賞識，她說：「我仲練緊功，未練好如來神掌上第十八層，又未結婚生仔。」提到Kelly未結婚便獲獎，她即補充Kelly有着落兼且叻女，一早衝出亞洲，她仍然望向神州大地。
另外，Kelvin被拍到與林苑睇大床，他解釋只是朋友行街，當時並非睇床，而是睇林苑鍾情的一條價值萬多元的浴袍，他笑說：「我叫佢咁貴不如唔好着，佢冇應我。」Kelvin強調視林苑為媽媽，而側田是摸酒杯的好兄弟。此時林苑另一緋聞男友軒仔途經笑說：「勾義嫂，當林苑係媽媽，唔怪得之你身體咁好。」又取笑Kelvin要向衞詩交代。
此外，千嬅與傅穎、鍾舒漫等昨天出席奧海城舉行的「足背筋骨健康打氣日」，千嬅表示因穿得太多高跟鞋，易腰痠背痛，故她昨日在活動上不忘乘機舒展筋骨。
採訪：馬建華
攝影：陳俊強