【爆AOA五年零收入】澯美母親揭女兒患抑鬱症 憂愛女跳樓
蘋果日報 2019/12/27 16:27
AOA澯美
AOA成員澯美母親受訪
在韓國要做男團女團成員要經歷練習生時期，當中少則就要兩三年時間，長則有人當了10年的練習生，有不少藝人因為不堪壓力而患上抑鬱症。
由於韓國經理人公司投資了大量金錢在藝人身上，所以很多時在抽佣方面就會出現不平等情況。好似已出道7年的女團AOA，其成員澯美的母親近日受訪時就談及女兒所屬的FNC事務所的結算問題。現年23歲的澯美於讀中學時已簽約FNC做練習生，問到熬過這麼多辛苦的時間才出道，澯美的母親就說：「出道之後就冇收入，直到出道5年之後先有第一次結算，雖然對外嘅說法係喺出道後第4年嘅2016年先首次得到結算，但嚴格嚟講嗰次唔係真正結算。」澯美母親更指女兒在出道後3年左右就患上了嚴重抑鬱症。
澯美母親表示有一天下午，事務所指澯美從早上就失蹤，因為事務所不允許她們用手機，所以一直聯絡不上她，最後其母靠電郵聯絡澯美，最終找到女兒。澯美母親說：「我見到佢後只問佢有冇食飯，佢話冇，我帶佢去食咗少少嘢，之後一齊去咗旅館住一晚，第二日再到漢江。我嗰時乜都冇問，直到第三日佢同我講：『我想離開公司，但係違約金係投資金額嘅3倍，即係數十億韓圜。』但係我哋嗰時所有現金夾埋都只係得2千萬韓圜（約13.5萬港元），但我都同佢講，如果真係討厭繼續落去就離開，唔理點樣，媽咪都會負責。」
澯美母親坦言當時她亦十分不安及害怕，因為AOA的宿舍在9樓，她亦會擔心澯美一時想不開就會跳樓，所以每日她都會搭4個小時的車去探望澯美，陪伴女兒。而澯美母親指女兒有兩個月沒有和她對視過，亦都不說話，有時凌晨時分離開宿舍就一口水都沒飲就出去了。由於澯美母親兩個月以來每天都去首爾陪件女兒，所以也令自己暴瘦到36kg（約79.2磅），亦不時流鼻血，看到這些情況，澯美就即對母親說：「媽咪，我而家冇事嘞。」事後澯美亦對母親表示抱歉和感謝。
揭女兒五年零收入
母親公開澯美童年照
AOA