皮草太子爺王大業（Andy）自2010年跟賭王千金何超雲一段情後，多年來感情未有着落，他早前才自認單身，又指拍拖也未必公開，可能到結婚階段才敢將戀情曝光。不過正所謂「紙包唔住火」，日前Andy在銅鑼灣街頭拍拖被斷正，Andy拖着一位貌似連詩雅的高䠷女模食飯逛街，二人看來沒有半點避忌，相信Andy已找到對的人吧！

當晚大約8時半，記者看到二人猶如小情人般手拖手在銅鑼灣某商場閒逛，之後他們走到白沙道逐一「搜索」餐廳搵食，不時查看餐廳門外的餐牌研究，最終他們選中一間台式料理開餐。Andy看來相當肚餓，15分鐘便把食物吃完，之後由Andy埋單離開，女方一出門便蹺着Andy，小鳥依人，又拖又蹺邊行邊傾，相當溫馨。

Andy的女友是模特兒出身、有翻版Shiga之稱的吳慧冰（Louisa），多年前入行，參與過眾多廣告、電影拍攝，但近年逐漸淡出，記者致電Andy恭賀，他說：「哈哈，我之前都講過，想低調，唔去到結婚都唔想公開，怕見光死。」問他跟Lousia拍拖多久？怎樣認識？是否結婚對象？他說：「只係好短時間，唔講喇！」問到他覺得女友似Shiga嗎？他笑說：「好多人都咁講，好多人會認錯，唔好以為我同連詩雅拍拖喎。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI