【金像獎晚裝要野性】余香凝唔想做乖乖女 挑戰JM經典穿窿裙?
金像獎談善言余香凝首部劇情電影計劃週年聚會星勢力
余香凝(Jennifer)及談善言今日去到灣仔,出席「首部劇情電影計劃週年聚會暨第四屆頒獎禮」,兩人聯同八位《星.勢.力》演員將出席應屆金像獎頒獎典禮行紅地氈。大會公佈得獎作品包括大專組《金都》導演黃綺琳、《手捲煙》導演陳健朗,專業組《滄海遺愛》導演馮智恒。
Jennifer表示搵咗一位自己非常喜歡嘅設計師幫手,為自己設計金像獎紅地氈服裝,今屆金像獎將於4.15舉行,但Jennifer聽日就起程到日本逗留半個月拍攝網絡電影,佢話:「未能度身,由於自己形象感覺好乖,希望今次設計師幫我設計野性,無人認得我嘅新形象。」喺元宵佳節去日本,Jennifer話原來想趁空檔約埋男友陳家樂一齊喺日本賞櫻、睇雪,不過唔成功,Jennifer話:「男友要開工唔得閒,等下次一齊再睇,今次唯有返酒店當睇唔到。」
談善言獲邀出席今屆電影金像獎紅地氈,談善言話:「自己俾人感覺男仔頭,所以想試吓有女人味嘅造型,同設計師溝通後,可能係低胸大deep V。」
精選娛聞,喺晒《娛果》
http://fb.com/appledailyent
談善言都想要多啲女人味,傾過可能會係大deep V。