慘死車長周錫海（47歲），與妻子育有一子一女，兒子已成家立室遷出，他生前與妻子及女兒同住坪石邨藍石樓一單位。據悉，周未任職巴士車長前從事職業司機，妻子14年前患上皮膚病後，至今每星期仍要往政府醫院求診，更指「冇得斷尾」，但周多年來對妻子照顧有加，並將大部份收入用作支付妻子的醫藥費。
昨日早上，周如常出門上班，及至下午1時許，周太便接獲巴士公司來電，她立即趕往醫院，詎料短短幾小時後便與丈夫陰陽永隔，她激動嚎哭：「佢好顧家好錫我哋，放工好準時返屋企，我𠵱家食咗藥都好想瞓，根本一嚿雲咁，唔知點算！」鄰居驚聞噩耗後亦大感錯愕稱：「唔係呀嘛，咁慘呀，佢老公好好人㗎！」
《蘋果》記者