上月同印度裔男友Jason結婚嘅Rosemary，今日就同湛琪清去觀塘apm出席活動，Rosemary着旗袍現身，見佢肚凸凸，問佢係咪有身孕？Rosemary話：「冇咁快，過多一兩年二人世界先，老公想嘆世界，四圍玩，啱啱度完一個月蜜月，可能7月再討論去邊度玩。」Rosemary指今年農曆新年唔會出埠，因為老爺奶奶會嚟香港。今年係首次派利是，佢話：「係，但以前我都有派畀同事，o依家就以太太身份派。」

湛琪清大讚表姐汪圓圓對雙胞胎好靚仔，問有冇送禮物畀兩個表姨甥仔？佢話：「送咗兩個好似孖仔咁大個嘅公仔，點知（汪）詩詩個女見到都想要。」單身嘅湛琪清被問幾時到佢生小朋友？就話：「我同佢哋（小朋友）玩都好開心，所以未諗。」問情人節咪好lonely？湛琪清話：「以前有朋友陪，今年同表姐一齊去旅行，總之o依家以工作同家庭行先。」