當年今日
關於我們

【興奮爬上校園頂】猷君自封破紀錄獲取錄讀MIT金融碩士

蘋果日報 2016/03/08 06:00

蘋果學生天才碩士金融麻省麻省理工年輕即時喜訊MIT21歲Genius數學天才口頭蟬

賭王何鴻燊仔何猷君家底好、學識高、外貌帥,當然係城中筍盤,目前同新加坡百億富商林榮福千金KimmyLim拍拖,二人愛得高調,不時喺Instagram貼出合照,見少一陣都唔得,不過,猷君仍然愛情事業兩得意,一向叻仔嘅猷君以21歲之齡,考上麻省金融碩士,成為該系最年輕嘅學生。

身在美國嘅猷君,成功考入麻省金融碩士,佢興奮到爬上校園頂宣佈呢個消息,佢回覆《蘋果》表示:「爬上去有特別意思,MIT有個傳統係學生偷偷爬上去捉弄學校,很少人成功,你可以上網看看。有人最厲害試過把一輛警察車放在頂尖,爬上去超級危險。」

猷君表示會讀呢個課程1年:「照我所知就係有幾千人去考,今次收咗大概100個人讀。」問到佢呢科收生門檻係唔係好難?佢表示:「分數無話要到幾多分,但當然係收最頂尖學生啦!MIT課程咁難,佢哋多數收做完嘢、有工作經驗嘅學生,所以係破咗紀錄。」

畢業後係美國做嘢定返屋企幫手?猷君就話:「不知道,應該會返香港創業,我12歲就出外國讀書,去咗好耐,好掛住屋企人。」