城規會早前通過，將有成97年歷史嘅山頂盧吉道27號英式大宅改建為精品酒店，惹嚟唔少人、特別係會喺盧吉道行山徑緩步跑嘅市民不滿，原來當中包括鍾楚紅同梁朝偉，佢哋簽咗名反對古宅改建酒店，同唔少市民站在同一陣線。
月初一直喺山頂收集市民簽名嘅美港聯盟同八方講，至今已經有2萬幾個市民簽名反對城規會嘅決定，唔少仲係老人家，有啲人話專程過海留名，就係想保住呢條行山徑，認真有心。

余若薇夫婦行山勝地

原來連大明星都力撐簽名運動。話說型到爆嘅影帝梁朝偉，有日喺行山徑緩步跑之際，被義工叫佢簽名反改建，佢答話一早簽咗嘞，翻查資料，真係見到Tony Leung個大名，認真喜出望外。有型男支持外，仲有美人力撐。有義工日前見到一身運動服嘅紅姑，好爽快簽咗大名後，轉個身即刻去跑步，仲大方對鏡頭回眸一笑。
若然古宅變身酒店，原本闊度唔足兩米嘅行山徑，至少有三分二時間有車行，除咗紅姑同偉仔呢兩位跑步愛好者受影響，公民黨黨魁余若薇亦唔例外，事關佢都經常同老公拍拖喺呢度行山，余若薇同前市政局主席梁定邦同樣簽名支持保住古宅。美港聯盟希望越來越多人關注事件，可以推翻城規會決定。

mailto:[email protected]

鄭中基@谷德昭搞笑孖寶再發功,笑彈繼續嚟！
周一至周五《亂噏24》約定你： http://bit.ly/appletalk24