向華強同陳嵐一心裁培佢嘅寶貝仔向佐入娛樂圈，16年開咗《封神傳奇》畀佢擔正，有李連杰、梁家輝、范冰冰、黃曉明、Angelababy、古天樂等人群星拱照，o依家向佐喺內地都有參與唔少演藝工作，同埋佢仲成日裝備自己，練功夫做gym，練出鋼條好身形。

向佐有一副好身形，終於有出頭天，更被日本殿堂級時裝大師山本耀司(Yohji Yamamoto)睇中，搵咗佢去巴黎時裝周行騷，實行做模特兒行國際天橋。向佐今日就喺Ig貼咗佢幾張佢行騷相，當中佢好似其他外國男模一樣，一樣要參與fitting，而Yohji本人更親自幫佢設計造型，見佢有兩個造型，都幾有台型。其實，向佐唔係第一次幫佢行騷，舊年6月已喺巴黎行過一次，今次再encore，同埋睇返佢Ig，向佐同Yohji都有不時見面，而佢爸爸「龍五」向華強都有份一齊食。