今年圈中喜事特別多，不過傳聞傳得多，會唔會變「狼來了」……

早前傳陳喬恩拍大陸綜藝節目《旋風孝子》，同杜淳傳緋聞，近日更爆出二人婚訊，有網民喺微博爆料聲稱陳喬恩同杜淳結咗婚，搞到陳喬恩今早11點幾喺微博留言：「姊單身，姊不恨嫁，謝謝關心。」

事緣2018年陳喬恩酒駕事件，當時演藝工會理事長康凱爆料指「人家也結了婚」，在場記者以為佢記錯，詢問佢所講嘅人係唔係「安以軒」，點知康凱就話：「不是，是陳喬恩。」隨後與陳喬恩合作過10年嘅經理人澄清對方冇結婚，如果陳喬恩結婚一定唔會收埋唔講，之後康凱改口風稱係口誤，陳喬恩同杜淳早前參加《旋》，當時陳媽媽曾睇中杜淳，讚杜淳帥氣，節目播出後，陳喬恩與杜淳成為緋聞情侶，如今又再傳二人已婚，陳喬恩所屬公司向媒體澄清：「陳喬恩戀愛以及結婚傳言均是不實新聞，純粹無稽之談，感謝大家的關心。」對於陳喬恩又被傳婚事，有唔少網民都覺得唔太可信，因為傳咗太多次。

精選娛聞，喺晒《娛果》
http://fb.com/appledailyent