一名姓麥中學老師今晨駕駛電單車時不幸遭貨車撞斃，據知，他人緣甚佳，深得老師學生歡迎，事後多名學生收到學校的緊急通知後，驚聞噩耗，紛紛在網上留言悼念，其中更有人大讚麥Sir是「好老師」，待人友善，對學生好好。

學生留言悼念

黃廷松：其實佢係一位好老師，佢對我哋每一位學生都好用心，好努力教導我地，佢係我哋學生一個好好嘅榜樣，佢真係好努力，不怕辛苦，但個天… 點解要咁殘忍帶走佢？

Kelly Hau：麥sir真係好好人，雖然佢只係帶過我一次隊，但係佢俾我嘅第一印象真係好nice，脾氣都好好。麥sir，一路走好，RIP

喻暗生：以後再也不會有老師天天跟我前同桌開玩笑地說要把他抱起來丟進燒烤爐了…之前他帶我們去活動是最後一次近距離接觸了…

蔡詩婷：佢是我的以前的班主任，佢好用心教我地。佢是一個教得好又緊張學生的老師，咁好的老師就咁樣就走左，點解會咁嫁？

梁浩然：冇教過我哋班，但都會對學生有講有笑，對學生好好，願神與他同在。

Tiffany Tsang：學校少咗一位好老師，雖然佢無教過我。但係我見到佢好用心教學校每一位學生。

Tiffany Pui Yau Tam：好老師真係一位好老師，聽到佢每日幫學生補課，唔怕辛苦，天父就咁就令到佢返去佢既身邊

Terry Yeung：你真係一位好老師，我上次返香港仲一齊出去食飯，你教左我好多野，亦師亦友。真係接受唔到

你敢爆，我敢獎！ 即Call《蘋果》24小時爆相爆片熱線 ：63836568