金像影帝里安納度狄卡比奧（LeonardoDiCaprio）自從同索爆模特兒KellyRohrbach分手後，身邊女伴換唔停，繼佢早前帶同金髮靚女嚟港陪佢睇藝術展，返到美國里安納度又被拍到，喺馬里布同一個年輕女伴撐完枱腳後，結伴離開。

今日就有網站爆料，指當日同里安納度食飯嘅靚女，係只得19歲嘅Victoria'sSecretPink模特兒ChelseyWeimar，同佢相差成22年，真係越嗒越後生，報道更指Chelsey喺instagram嘅自拍照，其中有一張係喺里安納度屋企影嘅，似乎係想宣示自權。

不過報道引述里安納度身邊人士消息，話里安納度現時冇拍拖，現時佢想專注推動保護環護嘅工作。嗯嗯，原來係咁...。