前Channel【V】音樂頻道總監，人稱「Andy哥」嘅張世明，今日被台灣出版嘅《壹週刊》揭露性侵男友人，更大玩男男3P。受害人報警求助，Andy哥否認指控。

據報道指，一名鄭姓、名為「小澤」嘅男子向傳媒控訴：「張世明性侵我！我也保留事發當天所穿的內褲，上頭還有精液，已交給警方化驗。」

小澤表示跟Andy哥交往2年，雙方一直只係純粹肉體關係，甚至連對方電話都冇，聯絡方式只靠Facebook留言聯絡。兩人一直保持住每個禮拜約會性交2至3次，而大部份時間都係選擇喺Andy哥車上發生關係。

直到今年5月底，兩個人再約見面，地點係台北市薇閣汽車旅館。小澤指當日去到現場，始發現有另一男子，跟住Andy就表示該男子係佢朋友，並表示想試試「不一樣的」新玩意，暗示想進行3P男性性交。

小澤起初斷言拒絕話:「我不要，不是說好只有兩個人嗎？」張世明不斷安撫，小澤最後只好勉強答應，並要求全程戴安全套。

小澤憶述經過時謂:「進行到一半，我明顯感覺到，他們都把套子拿下來。」佢即時想擺脫兩人，但礙於體型瘦弱不敵2人力氣，最終被Andy哥及男性友人壓著，強迫性交得逞。事後，小澤喺親友支持下決定報警，才令呢件名經理人性侵事件曝光。