泛海（129）現價得番NAV一折水位，財務資產嘅潛在變現，高達40億銀，勁抵買。泛海啱啱公佈2013年度業績，純利高達24.75億銀，超過本身總市值20億銀，家陣PE得0.8倍！又連埋酒店價值反映，泛海NAV 13.8元，現價得1.67元，折讓高達88%，即係話，現價係NAV嘅一折水位有交易。而集團嚟自單一幢物業，好似中環泛海大廈嘅市值，分分鐘超出總市值，泛海殘到爆。再講，受惠歐美地區去年6月以嚟兜底大爆升，泛海嘅財務資產（集團主要集中投資歐美地區），漲價到近40億銀，相當於每股3.2元，又係現價兩倍，潛在變現勁豐厚。泛海NAV折讓咪咁離譜，係咁意收窄到70%，都要見4.14元，現價升幅，已經講緊貼近1.5倍。