平日熱愛跑山嘅周國賢，今朝一早同埋樂隊SupperMoment去到荔景山參與《AXAiRunforLove‧傳為愛》，一齊孭起裝滿送畀有需要兒童嘅文具物資跑山傳遞愛。當佢哋接過感謝狀之後，SupperMoment大讚周國賢跑得好快，佢哋只係知道自己跑到濕晒。

周國賢指平均每個禮拜都跑四次，由以往跑街轉為跑山，因為空氣會清新好多，今日起初一路領先，點知低估咗條路嘅暗斜度，最後都唔能夠領先到尾。近排忙於為月中喺StarHall舉行演唱會做排練，佢話：「都有少少壓力，好耐冇試過喺有成三千人場地做騷，自己都有啲期望，對上一次做大型騷已經係2012年底。」

上月底係大女Clara嘅14歲生日，周國賢未有時間陪佢哋一齊玩兼度萬聖節，問到女兒會否失望？佢話「都無唔開心，之後有一齊食飯慶祝，我送咗一套好精美畫具畀佢，我以前都會喺佢面前畫畫，0依家佢勁過我，我唔敢再畫，每逢大時大節佢都會畫畫送畀我，有時會畫插圖寫埋故仔。」