當年今日
關於我們

【夾公仔高手】冇偶像包袱!子瑜浮誇表情再唱《PPAP》

蘋果日報 2016/10/26 19:03

PPAP子瑜TWICE

日本洗腦歌《PEN-PINEAPPLE-APPLE-PEN》(PPAP)全球大熱,更紅到韓國,之前女團TWICE成員子瑜同彩瑛已經係宿舍拍過一段演繹《PPAP》嘅短片,當時獲粉絲大讚得意可愛。以為玩完一次就得?當然唔係喇!子瑜今日就要自己一個挑戰《PPAP》!
TWICE今日有一段玩夾公仔嘅短片喺網上被公開,9位成員就輪流夾想要嘅公仔,不過得到公仔嘅同時就要做紙條上嘅任務,例如唱歌、撒嬌等。不過多得呢段短片先知道原來TWICE嘅成員都係夾公仔高手,一下就夾到,相當厲害!
首位挑戰嘅就係日本成員Sana,佢為咗夾同子瑜相似嘅尤達公仔,更不停叫住子瑜個名,認真搞笑。而子瑜就係第3位成員挑戰,一次就成功夾到隻熊仔,子瑜仲因為成功夾到所以勁開心,不過當佢睇到任務時就立即爆笑,事關係要佢清唱《PPAP》。但子瑜都冇猶豫就開始唱,更郁身郁勢做埋動作,完全冇偶像包袱,連其他成員都high埋一份。最後成員彩瑛嘅任務係要孖2位成員跳舞,各成員聽到之後紛紛扮聽唔到行開晒,場面搞笑。