【獨家尊訪】祥哥生前最愛老爺車 兆榮珍而重之日日清潔
祥哥兆尊
鄧家發生爭產事件時,祥嫂因為不滿老公的遺囑,自己將不會得到很多財產,一怒之下離家出走,當時她還把祥哥一些貴重的古董、字畫、珠寶首飾都帶走了;後來祥哥仙遊,小艾幫父親收拾遺物時,才發現很多寶物都不見了,餘下留低的雖然不算值錢,但因為東西都是父親生前用過的,所以子女們都珍而重之。
祥哥主要遺物都放在小艾家中,訪問當日小艾帶記者到家中觀賞。兆尊表示:「根據我妹妹講,呢幅係爸爸其中一個八仙圖嘅收藏品,呢個有故事講嘅,但比較神怪一啲,我爸爸常常講嘢都好神怪,當作聽古仔,係阿爸去扶乩,有人送一幅圖畫畀佢。」小艾又拿了兩張碩果僅存、童年時與祥哥合照出來,兆尊拿住照片說:「我估我只係8至10歲,你諗下幾慘,年紀同體型咁細,已經要着西裝。」
兆尊指小艾喜歡收藏爸爸的東西,特別買了一個玻璃櫃擺設,他說:「總之係阿爸留低嘅嘢,佢都會好珍惜,舊唱片、阿爸喺外地演出時人哋送嘅水晶、佢用嚟飲參茶嘅杯⋯⋯臨出台前要濕濕口(小茶壺)就係呢個⋯⋯呢啲都係佢曾經用過,比較有紀念價值。」櫃裏幾瓶陳年XO及一些藥酒,全部是祥哥朋友送的,有些酒瓶是有他的名字,兆尊表示:「我估呢啲酒唔止40年,我出世都未見過,應該大過我。」
後來小艾又把大袋已封塵的戲服拿出來,兆尊拿了一件父親生前留下的短打唐裝試穿:「呢啲舊款式,要穿都幾困難,鈕扣我實在覺得比較難扣,我應該唔啱着,盡量試一下⋯⋯好窄!着唔到!」
之後兆尊與小艾還帶記者到停車場,看祥哥生前十分喜歡的一部老爺車,兆尊笑說:「呢部車係我爸爸嗰時候買落,通常呢啲款式嘅車我哋係唔會開嘅,因軚盤好重,好難駕駛,因為始終都係舊式車,架車係兆榮喺英國訂返嚟香港送畀阿爸嘅!阿爸收到時都好鍾意,經常有揸,而家唔喺度,兆榮都好用心打理,真係日日抹車,所以架車先保養得咁好。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
兆尊指玻璃櫃內,擺了不少妹妹小艾收藏爸爸生前的用品。