因葉準目前身在內地，記者昨日未能與之取得聯絡，其徒弟冼國林昨日則代師傅在電話中回應說：「師傅當然會繼續支持葉偉信導演，師傅同王家衛係喺1997年簽咗份合約，當時係領咗幾萬蚊顧問費，但都成12年前嘅事，冇一份合約可以超過6年仲生效，官式上師傅已經唔係佢哋套戲嘅顧問，除非佢哋搵師傅再傾過，但相信合作成數好微。」他又表示聽聞在《一代宗師》中演葉問的梁朝偉，已另覓師傅學習詠春。
冼國林去年也有份協助拍攝《葉問》，對於續集會出現李小龍一角，冼國林說：「李小龍呢個角色屬意一個好身手嘅後生仔去拍，郭富城雖然身手同演技都好，但斷不能搵40幾歲人扮番後生仔，我同電影公司商量過，唔排除舉行全球選拔賽，仲可以為電影圈發掘新人。」
採訪：比華利