當年今日
關於我們

【男人都冧】木村離台名牌送保鑣

蘋果日報 2015/07/14 06:00

蘋果吳宇森即時木村拓哉松山機場台灣觀光局

日本天王木村拓哉去咗台灣4日3夜,拍住吳宇森為台灣觀光局拍攝宣傳片,今日中午木村完成咗台灣之旅飛返日本,呢位天王約1點半去到松山機場,佢落車之後都不停向在場記者揮手,仲做埋V字手勢露出男神笑容,冧爆全場。

貴為天王嘅木村都十分識做,佢喺台灣其間,台灣方面有8個保鑣護住佢,木村臨走時,就送上8條名牌GUCCI領呔畀幾名保鑣,真係連男人都俾佢冧到。

據指木村獲安排喺約13,000港幣一晚嘅酒店房下榻,不過,佢並冇任可特別要求,今朝仲自己走去酒店樓下餐廳食自助早餐,台灣傳媒大讚佢親切。