她舉例指,一人份量的蘋果雪梨燉豬𦟌湯,只需一粒蜜棗、五錢南杏、三錢海底椰、四分一個蘋果、四分一個雪梨及五両豬𦟌,成本約十三元,但已極滋潤。煮法是先將肉用開水汆兩三分鐘去血水,接着將所有材料放入燉盅,隔水用猛火燉兩小時,再以中火燉一小時:「燉湯特別好味滋潤,但要睇火,唔夠水要加水;煮畀自己或者屋企人,梗係要用心啦!」她說因應個人口味,花心思轉用其他水果如木瓜,效果一樣好。
「有啲人以為煲湯放愈多料愈好。」但她指湯料約佔燉盅一半或湯煲三分之一已足夠:「太多材料,材料之間嘅功效同味道可能會相沖。」她建議可多用百搭材料如補氣而不燥的黨參、百合、花膠、南杏等,「雖然好多人南北杏一齊用,但北杏太燥。」
她說別以為貴價湯料一定滋補,如人參雖補身,但除非身體極虛弱,否則不宜多吃,「成日飲嘅家居湯水,都係以性質平和嘅材料為主。」她又說,「記住啲湯放小小鹽就夠,如果之前醃一醃啲肉最好;重有個秘訣,就係放少少冰糖重好味。」
記者:翁煜雄
本欄請來各行各業名人講解他們最熟悉的產品,並向讀者提供消費心得,逢周一刊出。