大市表現反覆，但個別細價股仍見炒賣氣氛，呢類股份勝在唔多受大市影響，有時炒起嚟升幅都幾誇張，除咗呢幾日的麗新系股份，近期一隻較冷門股份中大印刷（055）密密炒上，股價已經連升7個交易日，根本唔跟大市走勢，近兩日急升更開始成交增加。
中大印刷主要業務為印刷標籤、膠片及廣告物料，在經濟劣境之下本業難望有所突破，股價所以急升，看來應不外是有收購、集資、股權變動等事件跟尾，唔知頭唔知路跟風炒，要識睇勢落車。

成交突增有啓示

喪炒股今年初也出現過一隻中視金橋（623），股價於上周二兩個交易日由0.87元急升至1.62元，升幅近倍，其後升勢無以為繼，唔知係咪虛火。該公司去年7月以招股價下限2.63元上市，是去年淡市下少見之新股，公司逾9成收益來自中央電視台四個頻道的廣告，預期08年度純利不少於1.2億元人民幣，表面估值合理，惟客戶太過集中。
業務相似的公司，有剛易名的華億傳媒（419）應該更有睇頭。自從獲中國網通前CEO田溯寧去年透過旗下CBC集團入主後，該公司動作多多，包括以總代價不超過4.2億元收購在內地從事電視廣告代理業務的BlowerInvestments，透過旗下中觀集團取得廣東衛視的獨家廣告代理。這單交易代價以發行新股支付，不涉現金，且部份代價股份的增減視中觀今明兩年盈利能否分別達到8000萬元及1億元目標，對華億是相當着數。這家擁有2億多元淨現金的股仔，昨突現罕見大成交，或是炒上前奏。
歐陽風