現年五十歲的吳啟華與比他年輕二十一年的內地演員石洋子於去年十月宣佈離婚，想不到不足三個月，石洋子已極速搭上高大猛男。石洋子被影到離開北京朝陽區寓所後，跟猛男到附近一間食肆打邊爐；石洋子面對猛男即回復懷春少女本性，不時使出嘟嘴、低頭笑、凝眸等冧仔招，猛男相當受落癡癡凝視女方。
啟華跟石洋子雖已協議共同撫養六歲大女兒熙兒，但媽媽喜愛夜蒲，啟華卻要肩負起湊女責任，不用開工時便會全心全意照顧囡囡。

長春學校讀住先

記者昨日致電啟華，對於分居太太被拍到在北京跟猛男約會，啟華沒好氣說：「都唔知真定假！同埋我哋都分居咗咁耐，係手續未辦好，就算佢同其他人約會都好平常啫。」報道指他不惜一筆過付千萬贍養費力爭愛女撫養權，啟華說：「之前都講過晒，我哋係共同撫養，我哋關係冇咁惡劣，啲人鍾意點講就點講啦。」
啟華又表示原本想帶囡囡到泰國旅行，但因為囡囡發燒而取消行程。啟華說：「個女𠵱家冇乜事啦。我原本想個女留喺香港讀書，等我可以多啲時間陪佢，但個女好黐外母，要外母湊，但外母又未申請到落嚟香港住，雖然我係公眾人物，但冇特權㗎嘛，一樣要依正手續，好在長春都有啲好學校，𠵱家惟有等個女喺長春讀書先，等過多幾年個女大咗冇咁黐外母，我先帶佢返香港讀書。」
採訪：魯吉