【上位小鮮肉】19歲岡田健史處男出浴 滿足姐姐fans
中學聖日記岡田健史
日本女星有村架純主演嘅TBS電視台劇集《中學聖日記》收視未如理想,不過起用兩位型男卻令劇迷賞心悅目,除了型男町田啟太獲女性觀眾歡迎外,19歲小鮮肉新人岡田健史都憑劇集打響名堂,日前眾星就為劇集出席慶功宴盡興一番。
岡田健史原名叫水上恒司,曾就讀創成館高校,屬校內野球部,本身係個棒球少年,今次能夠成為《中學聖日記》男主角,佢係從500多名候選人中脫穎而出,岡田健史在處男劇中有出浴鏡頭,加上顏值爆燈,短短日子已吸大量姐姐級fans;日前,佢更獲國際品牌邀請出席東京舉行嘅時尚派對,同碧咸(David Beckham)、水原希子、窪塚洋介等紅星同場。其實,事務所本來冇打算咁快力捧岡田健史,不過同門師姐桐谷美玲閃嫁男星三浦翔平,搞到公司要另覓王牌藝人頂上。
精選娛聞,喺晒《娛果》
http://fb.com/appledailyent