江欣燕今日到會展出席《粵港澳大灣區旅行社酒店及餐飲業聯盟》成立嘅活動，提到早前因《逆緣》備受觀眾讚賞嘅江欣燕就透露嚟緊會再幫無綫開新劇，亦都係飾演媽媽，佢話：「嚟緊會飾演黃智雯嘅媽媽 。」

黃智雯今年都35歲，現實生活中兩人個年紀並非相差太遠，怕唔怕唔夠說服力？50歲嘅江欣燕就咁話：「其實一早都有傾過，計過如果我18歲生智雯出嚟年齡係啱嘅，所以劇中設定我哋其實性格同打扮都似兩姊妹多過似母女。」又話作為演員唔介意做咩角色，況且做媽媽都係一個新嘗試。

講到一齊拍《逆緣》嘅舊拍檔陳家樂近日失戀，江欣燕話從好留意娛樂新聞嘅媽媽口中得知，自己同佢只係拍戲認識，不過都寄語希望佢盡快走出傷痛。

精選娛聞，喺晒《娛果》
http://fb.com/appledailyent