美國樂壇一姐Beyonce與老公Jay-Z最近忙緊開OnTheRun巡唱，期間屢次傳出婚變，今日有美國報道話佢哋打算開完巡唱之後就決定分開。據《紐約郵報》報道，08年結婚嘅兩人，想諗一個唔使離婚嘅分開方法；至於點解要等開完巡唱，係因為呢個巡唱規模太大，同埋佢哋已經收咗錢。

雖然佢哋喺個演唱會度成日晒恩愛，但係知情人士爆32歲嘅Beyonce同44歲嘅Jay-Z已經唔再好似兩公婆，又話佢哋已經冇戴婚戒。

佢哋嘅婚姻問題，其實係喺今年5月Beyonce個妹Solange喺電梯內打Jay-Z嗰陣先被踢爆，有傳係因為Solange唔滿意姐夫沙沙滾。報道仲話兩公婆嘅問題，其實喺阿囡BlueIvy出世前已經有，不過佢哋以為生完個囡囡會將問題解決，將佢哋嘅愛火重燃，但原來唔work。