曾醒明、曾智華、區瑞強及馬時亨等，今日喺觀塘舉行新書《天使在身邊》記招，邀請咗城中50位名人分享勵志故事，有份為新書撰文嘅曾醒明，分享當年被騙80多萬嘅經過。問佢會唔會寄語新鮮出爐嘅港姐冠軍雷莊𠒇？曾醒明話：「今年港姐受到好大嘅反應，我覺得有則改之無則加勉，應該平心靜氣去適應返香港娛樂圈，唔好太衝動。」

提到雷莊𠒇被網民指醜樣？曾生笑言：「見人見智啦，過去都有幾屆被批評，最後都贏得香港人信心。港姐應該有容人之量，要顯示港姐嘅智慧，你反擊、炮轟，不如以理服人。」(文章連結： http://bit.ly/2xNkD8B )佢坦言節目加入硬銷自家Apps部份，淡化咗港姐嘅主題：「呢個的確有改善空間。」至於，最後由鄭裕玲決定關鍵一票，被指賽制兒嬉？曾醒明認為準則既然已改，只能尊重，不能比較。