巴塞隆拿喺上季以3,000萬歐元轉會費，由華倫西亞收購前鋒柏高艾卡沙，點知貨不對辦，全季只係入得6個聯賽入球，到今季尼馬走咗，艾卡沙依然唔掂，仲未喺聯賽開齋，以巴塞嘅標準嚟講當然唔對辦。據報巴塞方面一早想清洗呢位24歲西班牙前鋒，最近終於有眉目。嚟自法甲嘅里爾對艾卡沙有興趣，希望可以喺1月借用佢，而艾卡沙本人亦希望可以轉投另一間球會，有多啲上陣機會，先可以代表西班牙國家隊出戰明年世盃決賽周。