唔知點解，最近香港支旗，有啲軟lailai。獅子山嗰隻獅子又唔知做乜咁，開始變種，變咗另外一隻動物，叫做「獅裂」……

係林海峰講嘅……

林海峰喺棟篤笑頭場謂:「獅變比獅子更加可怕，獅子係萬獸之王，獅裂(撕裂)就係將香港幾百萬人撕開一碌碌，碎上香港人呀大佬!我淨係聽到啲人喺度唱『我哋大家用艱辛努力撕爛那，不朽香江名句……撕爛佢又點？補救囉，即係好似啲女士去做facial囉，你有冇聽過一啲個案，『唉呀點解會咁0架？我做facial之前都唔係咁0架!』『呢間唔係美容院嚟0架，呢間直頭係毀容院嚟0架，玩完喇玩完喇!新聞自由玩完喇港產片玩完喇廣東歌玩完喇廣東話玩完喇!和諧玩完喇，香港玩完喇，我頂吖!』點頂呀？」

「依家有三種頂法，第一種，咬緊牙關，頂得幾耐有幾耐，但好似Charles咁我冇辦法0架喎!第二種頂就係笑住口:『真係冇得頂!』然後擰轉面當冇嘢；第三種係『我頂吖我要做嘢喇!』就好似佛光街嗰對情侶咁:『我要做嘢呀!』有三種頂法俾你揀!」