剛到韓國跟隨「藍天堡馬」參賽，發現當地人手頗為緊拙，騎師必要時要自己上鞍。事實上以往在澳洲鄉鎮馬場出賽時，亦曾遇過相同的情況，可是很多幸福的騎師已經忘記了如何上鞍，學美國騎師馬力剛話齋:「我成30年無上過鞍了！」

剛戰潘頓接連跑第二卻未有頭馬進帳，捧場客難免失望，不過今次夜賽（12日）就唔同講法，手執幾匹實力座騎準備數糊。

我較睇好第四場「超能量」及第五場「贏科超影」，「超能量」今仗匆匆轉場再搏，排檔形勢肯定比上場田草直路賽時更有利，「贏科超影」早前試泥閘走勢非常吸引，直路移出望空隨即輕鬆上前，季初狀態來得快有力再開勝門。如臨場有雨，第五場記得要拖埋「騰煌」，此駒見水即生。

第八場二班1650米，心水係「赤兔寶駒」，同場不乏快馬，當中包括廐侶「越影」，預計今場將會幫手帶快步速，一如上仗贏馬時的形勢，快步速唔搶口走得順，呢口跨季孖寶應可順利食出。

文：阿Kit