唔知大家信不信人夾人緣，筆者就十分相信，尤其在馬圈，始終賽馬是偏門玩意，有時某位騎師可能特別旺某位馬主，騎親都贏，就真係解釋唔到。

莫雷拉重臨，最開心相信係「精算」系龐氏一家，名下「精算風暴」及「精算閃擊」今季由雷神操刀共跑三次贏晒，至於「精算八方」縱使上仗田賽落敗，但回師強項谷中1200時價不同，有權為馬主延續這個旺勢。

周三（26日）晚谷中第六場三班1200米，「精算八方」，至今贏過四場，其中三Win由莫雷拉操刀，合拍程度不用懷疑，雖然蔡廐自購新馬成功例子極多。

「精算八方」本身一出就贏直路賽，但就算在四班時跑田賽都未算特別出色，反而快活谷的表現就更勝一籌，只要形勢唔太差，都經常有好成績。

「精算八方」目前評分已不低，惟在谷戰始終牌面馬，今場強配雷神兼抽到第3檔，自然可睇高一線。

「精算八方」今季已跑五場，難得身型長期飽滿，狀態仍處勇點，三班谷中1200要到明年1月中才有賽期，今仗用到馬房王牌報名志在必得，種種條件配合，自然可睇高一線。