今個暑假,恒基地產主席李兆基嘅二公子李家誠,紅過唔少當紅明星,除咗因為「享受徐子淇」外,佢首次擔大旗嘅嘉亨灣,成為城中「熱盤」,賭王四太梁安琪重整層咁買,一買就三層,真係唔講得少。佢近排重頻頻曝光,代表恒地出席活動,不過就有證券行分析員聯想到四叔(李兆基的尊稱)有意交棒,重因為咁,認為恒地會因此觸發接班危機,所以調低恒地投資評級。
噚日難得四叔同二公子一齊為出席旗下恒地會活動,有記者問四叔,近排二公子成日出嚟,係咪想培養佢做接班人?四叔話,「大公子去打理國內嘢多,二公子就幫我喺香港打理多啲」,咁二公子成為接班人機會大唔大呢?「個個都係咁大啦」,四叔笑說。唔知係咪因為負責打理香港,二公子連女朋友都喺香港搵呢!
傳真︰2623-9278
電郵︰
[email protected]