日本近年發生多宗藝人嘅人身安全受到威脅事件，日前有狂迷便攜生果刀到櫸坂46活動會場，又於場內燃點信號彈，幸被即時制服。

而日本組合假面女子成員，隊中主將神谷惠里奈本年初亦收到死亡恐嚇，警方已將該名32歲疑犯拘捕。據報道指該狂迷於本年2月在神谷惠里奈網誌寫下「畢業便殺死你」的字句，狂迷供稱唔想神谷離隊而寫下恐嚇字句，佢被東京簡易裁判所判罰20萬日圓（1.4萬港元）。

神谷惠里奈今日於網誌就事件留言，佢透露留言恐嚇嘅不止一人，因狂迷以匿名登記方法登記留言，追查基本上係唔可能，故其人身安全仍受到威脅，但與事務所討論後，決定繼續展開活動，亦希望事件能早日解決。