陳靜（DaDa）日前喺微博宣佈退出幕前，消息令人詫異，原來DaDa經理人施念慈，早已發現DaDa有離心，早前仲物色0靚模取代佢。

據知施念慈睇中嘅係向展邦旗下、有33B上圍嘅曾淑雅（Jumbo），仲曾私下約見對方傾跳糟，不過條件未傾得掂。

施念慈其後再相約向展邦，洽談幫兩女解約嘅條件。向展邦承認施念慈曾提過合作一事，可惜佢表示公司用咗好多錢去捧Jumbo及羅彩玲（Vivian），冇可能同其他公司合作，所以婉拒咗施念慈合作事宜。