楊千嬅昨晚在澳門為她一連兩場的「My Beautiful Live」世界巡演澳門站演出，延續早前廣州等多個站的演出內容，甫出場就一口氣唱出多首歌迷熟悉的作品，包括《可惜我是水瓶座》、《小城大事》、《煉金術》及《再見二丁目》等，又和一眾舞蹈員又唱又跳。

到演繹《勇》一曲前，千嬅才開口跟觀眾打招呼，她說：「終於有機會做巡迴演唱，我一路希望有生之年可以去到唔同地方表示一次，一次就足夠，終於今年不遲也不早可以達成。」又表示今次做巡演令自己獲益良多：「要完成表演需要好大嘅勇氣，我自己嘅初心同勇氣從來冇變過，多謝你哋畀咗呢個回憶我。」

今次在澳門演出，囝囝Torres、千嬅的媽媽和奶奶等均現身觀眾席支持，兼任監製的老公丁子高則全程在控制台觀看千嬅演出，於鳴謝環節千嬅特地說：「要多謝凡事都好緊張，仲緊張過我嘅丁子高先生。」

完騷後千嬅接受訪問時表示，經過多站演出後，自己越來越進入狀態，演出亦漸見流暢，今次就換上共六套新歌衫。完成澳門站後就會飛到北京進行下一站，她表示7月就會陪Torres放暑假休息一個月，她覺得Torres真的大個仔了：「佢會幫婆婆拉櫈，又會照顧身邊人，今日晏晝仲識叫我Good Show，聽到我差啲喊出嚟。」

同時千嬅又透露上一次佛山站演出後，前來捧場的媽媽在散場時不慎跌倒，她說：「媽咪仆親流到成身血，仲撞甩咗隻牙，我當時嚇到呆咗，好彩仲記得擺底咗嗰啲技倆，識得同佢敷冰，然後即刻同佢返香港睇急症。」她表示媽媽沒大礙只需多休息，然而，今晚依然到澳門捧場。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX