賀賢馬房見習生潘明輝（綽號火車）在港跑了15次賽事，除一次於谷戰食白果外，其餘每次均有馬贏，在沙田更是長勝將軍。

明天（3日）開鑼戰其座騎既多且惡，當中來自新婚師傅賀賢的「太陽喜喜」及「開心健康」最值得重視。

賀廐近年在開鑼戰貴精不貴多，上季獨出「四季勁」（已退役）一駒即勝，前季及大前季合共四駒上陣亦悉數跑入前五名，今戰出三駒當然有睇頭。

第八場「太陽喜喜」上仗勝出上季最後一場賽事，今次再跑當時贏馬的1400米途程，對手多屬本身上賽蹄下敗將，包括「怪獸家長」、「蒙古王」等，不難再下一城。

第六場「開心健康」自潘明輝接手以來，四戰獲冠亞季及第五各一不失獎金，人馬合拍，打王牌回師贏馬路程1400米，爭勝決心不可謂不大。