宮雪花今日帶埋新畫作去到觀塘，接受好友葉家寶同黃守東主持全新網台節目《關公與您》訪問，家寶同阿東指首集嘉賓一定要搵乜都第一嘅花姨，花姨得到兩人讚賞，佢即預祝兩人嘅公關公司成為行內第一。

問到花姨有冇投資？佢爽快地話：「等我賣咗層樓先，攞一個億出嚟，佢哋兩個人都有幾千萬，我點可以出得少過佢哋，家寶好有錢㗎，佢出嚟只係打下風流工。」講到係咪搵兩位關公幫佢自傳寫序，花姨指寫序嘅男人要同自己有特殊關係，不過家寶算得上係佢救命恩人，花姨話：「有次我拍《包青天》，喺三層樓高度跌咗落嚟，導演同其他工作人員都唔敢走埋嚟，以為我香消玉殞，跟住佢哋打電話畀家寶，家寶話唔理生定死，都要走埋去救人。」

精選娛聞，喺晒《娛果》
http://fb.com/appledailyent